أخيرا وليس أخرا خلصت إمبارح الميدترمات و كل امتحانات العملى بتاعتي و حاولت التقاط بعض أنفاس الحرية لاستكمال المسيرة استعدادا لليوم المنتظر.....يوم الثلاثاء12-1-2010
الا اننى لم استطع ان التقط ولااا نفس كان على اليوم النزول لحضور محاضرة السيوتكس الباقيه صباحا مع المجموعة (أ)..بما ان مجموعتى اللى هى(ج)مواعيدها بعد الظهر و ما كانش عندى اى استعداد انى أنزل فى وسط اليوم لان نزولة وسط اليوم دى بضيع ما قبلها وما بعدها ودى ايام مفترجة ما يعلم بيها الا ربنا
وصلت قبل المحاضرة بحوالى 3 دقايق ودخلت المدرج لأفوجئ ان المدرج شبه خالى من الطلبة ما فيش غير كام واحد يتعدوا على الصوابع وكتب الاورجانيك مترصصة على البنشات...قلت خير دكتور الأورجانيك شكله خلص المحاضرة بتاعته ..خير ...خييير....ان شا الله...بس ما فيش مانع ان الواحد يتأكد برضه يمكن يكون دكتور السويتكس أشفق علينا و لغى المحاضرة اللى المفروض هتبدا دى و لا حاجة
لقيت واحدة قاعدة قدامى
سألتها :دكتور االسيوتكس المفروض يدخل دلوقتى مش كدة؟
ردت بكل ثقة: لأ دلوقتى أورجانيك...(أ) النهاردة عندها أورجانيك
رديت أنا بثقة أكتر من ثقتها: النهاردة ((((الأربع))) ودلوقتى (أ) عندها سيوتكس
ردت هى الرد الصاعق: لأ النهاردة (((((التلات))))) ودلوقتى اورجانيك
أنا بعد أن تلاشت تلك الثقة العمياء:OOOOO_OOOOO
النهااااااردة التلاااااات
________________________________________
ال ث ل ا ث ا ء
(tuseday)
( Mardi )
29-12-2009
#######
