يمكن أكون مش متمكنة فى اللغة العربية السليمة بس فعلا مبسوطة انى عربية ولسانى عربى...اينعم هو محتاج يتظبط شوية...قصدى كتير...بس فى النهاية هو عربى
لما كنت بأحضر حصة اللغة العربية ...للأسف كانت اتقل حصة على قلبى...لأن بصراحة كنت أجد سخافة فى طريقة التدريس ...وأسخف حاجة كانت بتقابلنى هى مواطن الجمال اللى كان لازم الواحد يحفظها ويكتبها زى ما هى فى الامتحان ..ولو كتبت من تفكيرك تبقى الاجابة غلط....ولا الشعر الجاهلى اللى الواحد كان لازم يحفظ الفاظه المجعلصة...احنا اتخرجنا من الثانوى واحنا مش عارفين عن ادباء وشعراء العصر الحالى غير القليل جدا...لكن كنت اعشق النحو لدرجة ان كل اللى اقوله كدة ...يقولى انتى معقدة...والله بفرح لما حد يقولى الكلمة دى على حاجة بحبها...النحو هو الفرع الوحيد هو والبلاغة االلى كان بيتح لى مساحة واسعة من التفكير و وضع احتمالات واستنتاجات....نقصت فى عربى الثانوية العامة المرحلتين على بعض 5 درجات ...4 فى تانية..وواحدة فى تالتة....بعد ما خلصت الثانوية ما كانش فى حاجة بتربطنى بالغة العربية الفصحى غير القرأن و بعض الكتيبات الصغيرة...لانى وقتها لم اكن من محبى القرأة ..او خلينا نقول ما كنتش صبورة على القراءة
لما كنت اقرا فى القران الايات التى تتحدث عن كون القرأن عربيا ...كنت مش فاهمة اهمية ده اوى وقتها
لحد فى مرة فتحت موقع وزارةالشئون الاسلامية و الاوقاف و الدعوة والارشاد السعودية
و وجدت فيه ترجمة القرأن للانجليزية
وفتحت على سورة الزمر وانا عاشقة لسورة الزمر لدرجة لا يعلمها الا الله
وبدأت أقرأ
[53] Say: "O my Servants who have transgressed against their souls! despair not of the Mercy of Allah: for Allah forgives all sins: for He is Oft-Forgiving, Most Merciful.
[54] "Turn ye to your Lord (in repentance) and bow to His (Will), before the Penalty comes on you: after that ye shall not be helped.
[55] "And follow the Best of (the courses) revealed to you from your Lord, before the Penalty comes on you - of a sudden while ye perceive not!
[56] "Lest the soul should (then) say: `Ah! woe is me! in that I neglected (my Duty) towards Allah, and was but among those who mocked!'
[57] "Or (lest) it should say: 'If only Allah had guided me, I should certainly have been among the righteous!'
[58] "Or (lest) it should say when it (actually) sees the Penalty: 'If only I had another chance, I should certainly be among those who do good!'
[59] "(The reply will be:) 'Nay, but there came to thee My Signs, and thou didst reject them: thou wast haughty, and became one of those who reject Faith!'"
[60] On the Day of Judgment wilt thou see those who told lies against Allah; their faces will be turned black; is there not in Hell an abode for the Haughty?
[61] But Allah will deliver the righteous to their place of salvation: no evil shall touch them, nor shall they grieve.
[62] Allah is the Creator of all things, and He is the Guardian and Disposer of all affairs.
طيب اقرأوا معايا بقى دلوقتى بالعربى
53 ُقلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
54 َو أَنِيبُوا إِلَى رَبِّكُمْ وَأَسْلِمُوا لَهُ مِن قَبْلِ أَن يَأْتِيَكُمُ الْعَذَابُ ثُمَّ لَا تُنصَرُونَ
55 وَاتَّبِعُوا أَحْسَنَ مَا أُنزِلَ إِلَيْكُم مِّن رَّبِّكُم مِّن قَبْلِ أَن يَأْتِيَكُمُ العَذَابُ بَغْتَةً وَأَنتُمْ لَا تَشْعُرُونَ
56 أَن تَقُولَ نَفْسٌ يَا حَسْرَتَى علَى مَا فَرَّطتُ فِي جَنبِ اللَّهِ وَإِن كُنتُ لَمِنَ السَّاخِرِينَ
57 أَوْ تَقُولَ لَوْ أَنَّ اللَّهَ هَدَانِي لَكُنتُ مِنَ الْمُتَّقِينَ
58 أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنَ الْمُحْسِنِينَ
59 بَلَى قَدْ جَاءتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ
60 وَيَوْمَ الْقِيَامَةِ تَرَى الَّذِينَ كَذَبُواْ عَلَى اللَّهِ وُجُوهُهُم مُّسْوَدَّةٌ أَلَيْسَ فِي جَهَنَّمَ مَثْوًى لِّلْمُتَكَبِّرِينَ
61 وَيُنَجِّي اللَّهُ الَّذِينَ اتَّقَوا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ
62 اللَّهُ خَالِقُ كُلِّ شَيْءٍ وَهُوَ عَلَى كُلِّ شَيْءٍ وَكِيلٌ
حد حس بالفرق اللى حسيته...انا قعدت يومها ولمدة اسبوع او اكتر فعلا مذهولة ازاى ما كنتش فاهمة قبل كدة...انا ما حستش بالايات غير وهى بالعربى وما حستش خالص بالايات المترجمة بالرغم من فهمى لمعانيها...فعلا القران ما كانش ينفع غير انه يكون عربى...ساعتها بس فهمت الايات اللى بتتكلم عن كون القران عربيا ليه بتنتهى بلعلكم تعقلون...وبلعلهم يتقون
27 وَلَقَدْ ضَرَبْنَا لِلنَّاسِ فِي هَذَا الْقُرْآنِ مِن كُلِّ مَثَلٍ لَّعَلَّهُمْ يَتَذَكَّرُونَ
28 قُرآنًا عَرَبِيًّا غَيْرَ ذِي عِوَجٍ لَّعَلَّهُمْ يَتَّقُونَ
سورة الزمر
1. الر تِلْكَ آيَاتُ الْكِتَابِ الْمُبِينِ
2. إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ
سورة يوسف
بجد مهما الواحد عرف لغات وعوج لسانه شويتين فى الاخر فى حاجة جوانا بتخلينا نحب اى حاجة بلغتنا...مهما وصفت مش هقدر اوفى اللغة العربية حقها ...لكن اقدر اقول انها اللغة الاولى لقلبى واللغة الاولى للسانى....بزعل جدا لما بلاقى ناس استغنت عن لغتها العربية بحجة انها مش اللغة المطلوبة الايام دى وان الشغل محتاج لغات تانية...انا موافقة اناالشغل دلوقتى فعلا محتاج لغات تانية ...بس اللغات التانية دى عشان تسهيل التواصل مش عشان مسخ (وليس مسح) الشخصية...اللى استغنى عن لغته يبقى استغنى عن نفسه...لان بمجرد ما تخلى عنها هو كدة ما بقاش عارف هو مين ولا بينتمى لايه...واللى مش عارف هو بينتمى لايه ولا لمين ...يبقى تايه توهان صعب جدا انه يرجع منه...احنا ممكن نتوه فى سككنا كتير لكن طالما عارفين بيتنا شكله ايه ..وسكته ازاى هنرجع له فى وقت من الاوقات...لكن نهد بيتنا بايدينا و ونخلى ارضنا خرابة ...ونهد المعلم الاهم اللى كان هيدلنا على ارضنا يبقى احنا كدة توهنا نفسنا بادينا ونستاهل اى حاجة تحصلنا بعد كدة....أفخر انى عربية وذات لسان عربى أتمنى ان يصبح مبين وأحمد الله حمدا كثيرا طيبا ملىء السموات والأرض أن جعل القرأن عربيا وجعل عقلى عربيا ليستقبل اياته ((وَلَوْ جَعَلْنَاهُ قُرْآنًا أَعْجَمِيًّا لَّقَالُوا لَوْلا فُصِّلَتْ آيَاتُهُ ))
يمكن سطور تتكلم عن اللغة العربية...كان لازم تكون باللغة العربية السليمة...لكن كما قلت لغتى ليست سليمة سلامة تامة...لكن يكفينى أنى أفهم وأحس وأشعر ....بالعربى
18-2-2009
